Shyam Krishna Duwal

यौन व्यापार केन्द्रका रुपमा चर्चित भइरहेको बुटवलमा प्रहरीले पक्राउ गरेका केही यौनजोडीका कथा चाखलाग्दा छन् । विदेशमा रहेका श्रीमान्ले पठाएको पैसा पुर्‍याउन आएका श्रीमान्कै साथीसँग सल्किएकी महिला हुन् या घरमा साथीको दिदीको बिहेमा जान्छु भनेर यौन व्यापार गर्न बुटवल जाने किशोरी, यी सबै उदाहरणले एउटै कुरा संकेत गरेका छन्- यौन व्यापार र खुला यौन क्रियाकलाप केन्द्र बनिरहेको छ बुटवल ।

प्रहरी नायव उपरीक्षक दानबहादुर कार्की

इलाका प्रहरी कार्यालय, बुटवल

एक समय घ्यूको व्यापार गर्न पहाडी जिल्लाबाट बुटवलमा झर्नेको ताँती लाग्थ्यो । घ्यू बेचेर नुन खरिद गर्ने र फर्किने स्थल थियो बुटवल । तर, बुटवलले आज कोल्टे फेरेको छ । त्यही बुटवलमा आज पनि पहाडी जिल्लाबाट मानिस दैनिक ओइरिन्छन् । तर, नुनको व्यापार होइन, देह व्यापार गर्न झर्नेको ताँती लाग्न थालेको छ ।

बुटवलमा काम खोजी गर्दै आएका बालिकाहरू होटेलमा काम गर्दागर्दै होटेल सञ्चालकबाट जबरजस्ती यौन व्यापारमा धकेलिएका छन् त, कोही अनेक समस्याका सिकार हुदै यौन व्यापारमा धकेलिएका छन् ।

त्यतिमात्र होइन, हिजोआज बुटवल यौन प्यास मेटाउने उपयुक्त थलो बनिरहेको छ । रूपन्देही, पाल्पा, नवलपरासी, कपिलवस्तु, गुल्मी, अर्घाखाँची तथा कास्कीका मानिस यौन प्यास मेटाउन बुटबल आउने गरेको तथ्य अहिले उजागार हुँदै गएको छ ।

बुटवलमा यौन व्यवसाय फस्टाएको चर्चासँगै प्रहरी सक्रियता बढेपछि थप रहस्य खुल्दै गएका हुन् । बुटवलमा यौन व्यवसाय नियन्त्रण गर्ने क्रममा प्रहरीले होटेलमा छापा मार्दा दिउँसै यौनजोडी भेटिने गरेका छन् भने पार्कतिर प्रहरीले नजर लगाउँदा त्यहाँ पनि उस्तै भेटिन थालेका छन् ।

यौनबजारमा अविवाहित र स्कुले किशोरीदेखि लिएर युवतीहरू बढी भेटिएपछि प्रहरीलाई सम्झाइ-बुझाइ गर्न हम्मेहम्मे परेको छ । बुटवलमा कस्ता-कस्ता यौनजोडी प्रहरी फन्दामा परे त ? इलाका प्रहरी कार्यालय बुटवल प्रमुख प्रहरी नायव उपरीक्षक दानबहादुर कार्कीले प्रहरी कारबाही तथा अनुसन्धान क्रममा स्मरण गरेका केही यौनजोडीहरूः

१. पोखराबाट एउटी युवती बुटवलमा साथीको दिदीको विवाहमा जान्छु भनेर घरबाट हिँडिछिन् । बुटवल आउने क्रममा उनले त्यही पोखराबाट अर्की साथीलाई समेत बुटवल जाउ“m भनिछिन् । तर, उनले बुटवल जानुका कारण खोजिछिन् । ‘केटा भेट्न जाने हो हिँड्’ भनिछिन्, तर तिनले आप\mनो त केटासाथी बुटवलमा नभएको बताएपछि ‘हिँड् केही फरक पर्दैन, उतै मिलिहाल्छ’ भन्दै आफनै स्कुटरमा राखेर ल्याइछिन् । बुटवलमा भेट्न आउने केटासाथी भनेको अस्ट्रेलिया बसेर आएको गाँठवाला रहेछ । पोखराबाट आएका ती दुवै होटेलमा बसेछन । केटासाथी पनि आएछ । तर, सँगै आएकी साथीलाई अर्को केटासाथी भने तत्काल मिलेनछ । त्यसपछि ती युवतीले साथीलाई पनि अस्ट्रेलिया बसेर आएको मानिससँग धन्दामा लगाइछिन् । प्रहरी गस्तीले समातेर ल्यायो । अनुसन्धानपछि यो तथ्य खुल्यो । तर, घटना बताएर ती युवतीको आमालाई फोन गर्दा उनले भनिन्, ‘ए पठाइदिनुहोस् न त । हामी त आउन भ्याउँदैनाँै ।’ अभिभावकलाई आपनो सन्तानको कुनै वास्ता नभएपछि यस्तो समस्या त आउने नै भयो ।

२. एकपटक चाखलाग्दो यौनजोडी पक्राउ पर्‍यो । महिलाको श्रीमान् विदेशमा रहेछन् । श्रीमान्ले पठाएको रकम दिन आएको व्यक्तिसँग उनी सल्किइन् । श्रीमान्ले हुन्डीमार्फत पठाएको रकम दिने क्रममा परिचित भएका श्रीमान्का मित्रसँग सम्बन्ध बढ्दै गएछ । श्रीमान्ले जम्मा पाँच हजार रुपैयाँ पठाइदिएका रहेछन् । त्यो रकम बोकेर आएको व्यक्तिसँग ती महिला लहसिइछिन् । यो जोडी पनि बुटवलकै होटेलबाट पक्राउ परेको थियो ।

३. बुटवलका होटेलमा मात्र हैन, पार्कमा समेत यौनजोडी वेलावेला भेटिने गर्छन् । यहाँका फूलबारी, हिलपार्क, शंकरनगरको विहार यौनजोडीको रोजाइ बनेको पाइन्छ । इलाका प्रहरी कार्यालयनजिकै रहेको खानेपानी कार्यालयअगाडि खानेपानी पाइप राखेको स्थानमा समेत वेलावेला यौनजोडी भेटिने गरेका छन् । एकपटक हिलपार्कबाट दस जोडी पक्राउ गरियो । हिलपार्क ल्याएर फोटो खिचेको त एउटी युवती त बेहोस भएर ढलिन् ।

४. एकजना युवतीको मोबाइल बिगि्रएछ । त्यसपछि उनी मोबाइल बनाउन जाँदा मर्मत गर्ने २२ वर्षको युवकसित परिचय भएछ । उनले मोबाइल बनाउन तथा गीत राख्न जाने क्रम बढ्दै गएछ । सोही क्रममा ती युवकले युवतीको मोबाइलमा अश्लील भिडियो राखिदिएछन् । त्यसपछि उनीहरू बढी नजिकिन थालेछन् । त्यही क्रममा होटेलमा जान थालेछन् । प्रहरी चेक-जाँच गर्ने क्रममै यो जोडीलाई होटेलबाटै समात्यौँ ।

५. बुटवल मणिमुकुन्द सेन उद्यान पार्क (फूलबारी) मा प्रायः भीडभाड रहन्छ । त्यहाँ विभिन्न कार्यक्रम हुने भएकाले मान्छेको जमघट बढी हुन्छ । प्रहरी मान्छेको जमघट बढी हुने स्थानमा बढी चनाखो हुनुपर्छ । केही साताअघि फूलबारीमा विवाह धेरै भएको दिन रहेछ । भीडभाड बढी थियो । त्यस्तोमा फूलबारीमा थुप्रै मान्छे जम्मा भएको नजिकै चुम्बन गर्दै गरेका युवायुवती भेटिए । समाजले पचाउन नसक्ने दृश्य देखेपछि त्यहाँ पनि पक्राउ गर्नुपर्ने स्थिति सृजना भयो ।

श्रोत: नयाँ पत्रिका
विष्णु घिमिरे

shyam | छिमेकीबाट | 08 19th, 2010 | No Comments »

पाल्पा जिल्लाको सदरमुकाम तानसेन प्राचीन एवं सुन्दर पहाडी सहर हो । मगर भाषाबाट नामाकरण गरिएको तानसेनको अर्थ उत्तरी बसोबास भन्ने हुन्छ । मगरहरूको बाहुल्य रहेको यो ठाउँमा उनीहरूको आफ्नै भाषा, धर्म, संस्कृति तथा इतिहास छ । यो ठाउँमा बसोबास गर्ने पहिलो जाति मगर भएको विश्वास गरिन्छ  । ६ सय वर्ष पहिले हालको नेपाल विभिन्न स-साना राज्यमा बाँडिएको थियो । त्यतिबेला यो ठाउँ १२ मगरातका नामले पनि चिनिन्थ्यो । मगरपछि यहाँ नेवार समुदायको बाहुल्य छ । त्यसैले पनि यो ठाउँको धर्म तथा संस्कृति काठमाडौंसँग मिल्दोजुल्दो छ । महाभारत क्षेत्रको दक्षिणी भिरालोमा पर्ने यो ठाउँमा नेपाली कला तथा संस्कृतिको अनुपम नमुना देख्न सकिन्छ । प्राचीन कलायुक्त नेवारी घर तथा ढुंगा छापिएका बाटोको सुन्दर सम्मिश्रण पाइने यो नगरमा घुम्न लायक थुप्रै ठाउँ छन् ।

तानसेन पुगेपछि घुम्नैपर्ने ठाउँ श्रीनगर डाँडो हो । डाँडोमा चढेपछि देखिने प्र्राकृतिक सौन्दर्यले पर्यटक भुतुक्कै हुन्छन् । धर्तीको स्वर्ग भन्न सकिने श्रीनगर पर्यटक तान्न सफल छ । यहाँबाट पश्चिममा धवलागिरि एवं पूर्वमा गणेश हिमालको अपूर्व शोभा अवलोकन गर्न सकिन्छ । यहाँ पुगेपछि सबैजसो मानिसलाई र्फकन गार्‍हो पर्छ, छुट्टनि मन लाग्दैन । थोरै समयमै यहाँको सौन्दर्यसँग प्रीति गाँसिन्छ ।

परम्परागत नेवारी शैलीमा बनेका घर तथा काठमाडौंबाट बसाइँ सरेर आएको नेवार समुदायको कलाकृतिमा भिजेका कारण यो ठाउँ काठमाडौंजस्तै देखिन्छ । त्यसैले होला यो ठाउँलाई काठमाडौंको सानो रूप पनि मानिन्छ । यहाँ सबैजसो धर्मावलम्बी बसोबास गर्छन् । यहाँ नेपाली, मगर एवं नेवारी भाषा बोलिन्छ । व्यापार एवं हस्तकला उद्योग यहाँ निकै फस्टाएको छ ।

प्रकृतिको सुन्दर उपहार तानसेन अवलोकन गर्न कम्तीमा पनि तीन दिनको बसाइ आवश्यक छ । यहाँका सबै ठाउँ एक-एक गर्दै हेर्न भने एक हप्ता पनि पर्याप्त नहुन सक्छ । सुन्दर श्रीनगरको डाँडो चढ्ने क्रममा शान्त जंगल, सल्लाका रुख तथा लालीगुराँस फुल्ने समयमा त्यसको आनन्द लिन सकिन्छ । डाँडोको गन्तव्य श्रीनगर पार्क हो । पार्कको पूर्व दिशातिर अघि बढ्दा आधा घन्टामा बौद्ध स्तूप पुग्न सकिन्छ । थाई भिक्षुको सहयोगमा बनेको यो स्तूपमा हात्ती एवं बाँदरका सुन्दर आकृति कुँदिएका छन् । यी चित्रको प्रसंग भगवान् बुद्धको जीवनसँग गाँसिएको छ । प्राचीन समयमा भगवान् बुद्धले ध्यान गर्दा बाँदर तथा हात्तीले सहयोग गरेको जनविश्वास यहाँका चित्रबाट झल्कन्छ ।

परम्परागत नेपाली जीवन बुझ्न एकपटक जानैपर्ने ठाउँ तानसेनको कुमाले गाउँ पनि हो । माटोका सुन्दर भाँडाकुँडा बनाइने कुमाले गाउँमा नेपाली परम्परागत जीवन शैलीको सजीव चित्र देख्न सकिन्छ ।

तानसेन प्राचीन इतिहासको नमुना सहर हो । सन् १८१५ को बिटि्रस इन्डिया युद्धका बेला नेपालले विजय प्राप्त गरेपछि त्यसको सम्झना स्वरूप बनाइएको भगवती मन्दिर यहाँको महत्वपूर्ण पर्यटकीय स्थल हो । धेरै पटक गरिएको जीर्णोद्धारले मन्दिरको मौलिकता हराएको आभास मिल्छ । यहाँ हरेक वर्षको अन्त्यमा मेला लाग्छ । मेलामा मानिसहरू रातभर जाग्राम रही शक्तिस्वरूपा भगवतीको पूजा गर्छन् । भोलिपल्ट भगवतीको प्रतिमा रथमा राखी सहर परिक्रमा गराउने चलन छ । यो बेलामा सरकारी कर्मचारी, पुलिस, आर्मीलगायत स्थानीय बासिन्दाको हर्षोल्लासपूर्ण चहलपहल आकर्षक हुन्छ । भौगोलिक संरचनाका कारण रथमा पाङ्ग्रा राखिएको हुँदैन । देवीको रथ कुमाल समुदायका मानिसले मात्र तान्ने गरेका छन् ।

तानसेनको अर्को महत्वपूर्ण गन्तव्य रानीघाट हो । यहाँ खड्गशमशेरले आफ्नी श्रीमतीको सम्झनामा बनाएकोे रानीमहल छ । यो महललाई नेपालको ताज महल भनिन्छ । यो महल मायाको अनुपम उदाहरण हो । रानी महल कलकत्ताका कालिगढद्वारा चार वर्ष लगाएर निर्माण गराइएको थियो । हाल उचित संरक्षणको अभावमा यो महल जीर्ण बन्दैछ ।

तानसेनमा घुम्नका लागि कालीगण्डकीको किनारमा रहेको राम्दी घाट पनि राम्रो ठाउँ होे । यहाँ मृत शरीरको अन्तिम संस्कार हुन्छ । यो ठाउँमा गुफाभित्र मन्दिर छ । किसानहरू यहाँ आफ्ना चौपायाको रक्षाका लागि दूध चढाउँछन् । तानसेनको केन्द्रबाट पैदल यात्रा गर्ने हो भने यो ठाउँमा पुग्न करिब आधा दिन लाग्छ ।

यहाँबाट घुमाउरो बाटो तथा हरियाली हेर्दै रिडी बजार पुग्न सकिन्छ । रिडी बजार हिन्दू धर्मावलम्बीका लागि पवित्र धार्मिक स्थल हो । यो रिडी खोला र कालीगण्डकीको संगमस्थल हो । यहाँ नेपाल तथा भारतबाट थुप्रै श्रद्धालु भक्तजन स्नान गर्न आउँछन् । यहाँ प्राण त्यागे मुक्ति पाइने विश्वासमा मानिसहरू जीवनको अन्तिम क्षण बिताउन यहाँ बसोबास गर्छन् । हरेक वर्ष माघे संक्रान्तिका दिन यहाँ ठूलो मेला लाग्छ । यहाँ हृषीकेश भगवान्को मन्दिर छ । यो मन्दिरकोे निर्माण पाल्पाका राजा मुकुन्द सेनले गरेको जनविश्वास छ । तानसेनबाट गाडीमा रिडी पुग्न पाँच घन्टा लाग्छ ।

तानसेनको पश्चिमी दिशामा हिमालको शिखरमुनि भैरवस्थान छ । त्यहाँ पुग्न गरिने पैदलयात्रा आनन्ददायक हुन्छ । नेपालको सबैभन्दा ठूलो सुनौलो त्रिशूल यहीँ छ । तानसेन बजारबाट नौ किलो मिटर दूरीमा रहेको यो मन्दिरमा भैरवको मूर्ति लुकाइएको अवस्थामा छ । भैरवको मूर्ति हेर्नेले आफ्नो जीवन गुमाउने जनविश्वासका कारण मूर्ति पर्दाले छोपिएको छ । यहाँ पुजारीले पनि पर्दा बाहिरबाट नै पूजा गर्छन् । मङ्गलबार तथा शनिबार विशेष भीड हुने यो मन्दिरमा रोट तथा जनावरको बलि दिने चलन छ । यहाँबाट हिमालको सुन्दर दृश्य अवलोकन गर्न सकिन्छ ।

तानसेन पुगेपछि हिँड्न रमाइलो मान्नेहरू सत्यवती लेक हेर्न जान सक्छन् । सत्यवती ताल जान पहिले बुटवल पुग्नुपर्छ । बुटवलबाट बस चढी चौबीस माइल भन्ने ठाउँमा ओर्लनुपर्छ । त्यसपछि तिनाउमा अवतरण गरी घना जङ्गल हुँदै पहाडको शिखरमा रहेको अनौठो लेकमा पुगिन्छ । यो लेकलाई भगवतीको घर मानिन्छ । यहाँ हरेक वर्ष कार्तिक पूणिर्मामा रात्रि मेला लाग्छ । प्राचीन किम्वदन्तीअनुसार यहाँ सत्यवती बज्यैको वासस्थान छ । उनीसँग सुन्ने शक्ति कम तर अद्भूत शक्ति रहेको विश्वास गरिन्छ । यहाँ मानिसहरू मनकामना पूरा गर्न आउँछन् । भक्तजनहरू आफ्नो मनकामना ठूल्ठूलो स्वरले भट्टाउँदै लेकको तीन चक्कर मार्छन् । भाकलका रूपमा बोका, कुखुरा काट्ने तथा परेवा उडाउने गरिएको पाइन्छ । दिउँसो अबेला सुरु हुने यो मेला सूर्य उदाउनुअघि नै पूरा गरिन्छ । यसो नगरे देवी प्रसन्न हुन्नन् भन्ने जनविश्वास छ ।

तानसेनमा अरू पनि थुप्रै मेला लाग्छन् । यसमा प्रभास मेला, लालपत्ती मेला तथा रम्भा मेला विशेष छन् । प्रभास मेला हरेक शिवरात्रिमा लाग्छ भने लालपत्ती मेला फागुपूणिर्माका दिन लाग्छ । यसैगरी रम्भा मेला रम्भा भन्ने ठाउँमा भाद्र कृष्ण अष्टमीका दिनमा लाग्छ । यहाँका चाडपर्व जनैपूणिर्मादेखि सुरु भई भगवती जात्रापछि अन्त्य हुन्छन् । बाहुन तथा क्षेत्री समुदायका मानिसले जनैपूणिर्माका दिन जनै फेर्छन् भने यो दिन गाईजात्रा हुने दिन पनि तोकिन्छ । मृतात्माको चिरशान्तिका लागि गरिने गाईजात्रा काठमाडौंबाट सुरु भएको भए पनि यहँाका मानिसले यसलाई आफ्नै परम्पराअनुसार मनाउँछन् । गाईजात्रापछि रोपाइँ जात्रा र त्यसपछि बाघजात्रा हुन्छ । बाघजात्रामा स्थानीय बासिन्दा बाघको तथा सिकारीको भेषमा प्राचीन शासकको नक्कल गर्दै नाच्छन् ।

यहाँको अर्को आकर्षण रथजात्रा हो । रथजात्रामा गणेश, भीमसेन एवं नारायणको रथलाई तानसेन बजारमा डुलाइन्छ । यस दिन बजारका सबै घरका मानिसले आ-आफ्ना घरका झ्यालमा मैनबत्ती बालेर रथमा फूल, प्रसाद तथा पैसा चढाउँछन् । भगवती जात्रापछि वर्षका जात्रा एवं पर्व अन्त्य हुन्छन् ।

कहाँ बस्ने ?

होटल श्रीनगर

कैलाशनगर तानसेनस्थित होटलमा पश्चिमी, नेपाली तथा भारतीय परिकार उपलब्ध छन् । यो होटलमा एक्काईस वटा सुविधाजनक कोठा छन् ।

होटल द हाइट लेक

सिखन टोलस्थित यो होटलमा डिलक्स टि्रपल कोठाका साथमा अट्याच्ड बाथरुम रहेका सुविधायुक्त कोठा छन् । यहाँ सबै प्रकारका परिकार उपलब्ध छन् ।

होटल द बज्र

क्याम्पस रोडस्थित यो होटलमा नेपाली, भारतीय तथा चाइनिज परिकार उपलब्ध छन् । यहाँका

अन्य सुविधा पनि गुणस्तरीय छन् ।

होटल गौरीशंकर

सिखन टोलमै अवस्थित यो होटलमा पनि पश्चिमी, नेपाली, भारतीय तथा चाइनिज परिकार उपलब्ध छन् । यो होटलले पनि पाहुनालाई विविध सुविधा उपलब्ध गराएको छ ।

साभार: नारी

shyam | छिमेकीबाट | 08 18th, 2010 | No Comments »

नजीवनका बिभिन्न फेटमा सफलता हासिल गर्ने पुरुषहरुलाई समाजमा धेरैले चिन्छन्।  

	प्रस्तोताले बिभिन्न क्षेत्रमा सफल मानिएका पुरुष र उनीहरुको श्रीमतीसित कुराकानी गरेका छन्

संचार माध्यमहरु संधै उनीहरुको पछि, पछि दौडी रहेका हुन्छन्।

तर उनीहरुको पाइला, पाइलामा साथ दिएर, उनीहरुको घर-परिवार, खानपिन र स्वास्थ्यको हेरबिचार गरेर उनीहरुलाई एउटा ब्यक्तिबाट ब्यक्तित्वको उचाईमा पु-याउन दिनरात दशकौंसम्म परिश्रम गर्ने उनीहरुका अर्धाङगिनीलाई कमैले चिन्छन्।

अन्तर्राष्टीय नारी दिवसको अवसरमा प्रस्तोता सुमन खरेलले यो श्रृङखलामा केही सफल पुरुषका जीवनसंगीनीहरुलाई चिनाउने र उनीहरुको योगदानलाई प्रकाशमा ल्याउने प्रयास गरेका छन्।

नेपाली समाजमा धेरै हदसम्म अदृश्य र मौन रहेका तिनै पात्रहरुप्रतिको सम्मान हो, कार्यक्रम श्रृङखला “अपरिचित पात्र”।

यशोदा श्रेष्ठ / मीरा आचार्य

मदनकृष्ण श्रेष्ठ र हरिवंश आचार्य (मह जोडी)ले धेरै बिषयमा एक आपसमा मिल्न नसक्ने मानिसहरु लाई एउटा दरिलो उदाहरण प्रस्तुत गरेका छन्।

	मदनकृष्णले जीवनमा यशोदाबाट सहयोग नैं सहयोग पाएका छन्

उनीहरुले ३० बर्षदेखि संगै मिलेर हांस्यब्यंग्यको माध्यमबाट राजनैतिक चेतना र सामाजिक परिवर्तन ल्याउन प्रयास गरी रहेका छन्।

उनीहरुको यो प्रयासमा प्रत्यक्ष, अप्रत्यक्ष रुपमा यशोदा श्रेष्ठ र मीरा आचार्यले बर्षौंदेखि सहयोग पु-याइ राखेका छन्।

मह जोडी पनि आफ्नो उन्नतीमा आफ्नो अर्धाङगिनीको भूमिकाको उच्च मूल्याङकन गर्दछन्।

 

 

कमला गुरुङ

क्षत्रमान सिंह गुरुङ जनजाती समूहबाट नेपालका प्रधान सेनापति बन्ने प्रथम ब्यक्ति हुन्।

	कमला गुरुङले धेरै बर्षसम्म एउटा संयुक्त परिवारको जिम्मेवारी संभाल्नु परेको छ

कस्तो हुन्छ एउटी सैनिक श्रीमतीको जीवन ?

कति कठिन थियो यो जीवन यात्रा ?

श्रीमती कमला गुरुङको बिचारमा अन्य क्षेत्रमा काम गर्ने कर्मचारीकी पत्नी र एक सैनिककी पत्नीले जीवनमा सामना गर्नु पर्ने समस्याहरु अलि बेग्लै हुन्छन्।

 

किरण शाह 

चित्रकार शशी बिक्रम शाहलाई घोडाका अनेक चित्रहरु बनाउन मन पर्छ।

	किरण शाहलाई शशी शाहका चित्रहरुमैं रमाउन मन लाग्छ

देशको बर्तमान अवस्थालाई प्रतिबिम्बित गर्ने चित्रहरु पनि उनले कोरेका छन्।

उनकी श्रीमती किरण शाह तिनै चित्रहरुमा रमाउंछिन्।

पतिको जस्तो आफ्नो त्यति सामाजिक पहिचान नभएकोमा उनलाई कुनै दुखेसो छैन।

चित्रकार शाहलाई साथ दिनमैं उनी आनन्दको अनुभव गर्छिन्।

 

 

सुभद्रा मानन्धर

खेलाडीहरुको चर्चा गर्दा धावक बैकुण्ठ मानन्धरको नामलाई बिर्सन सकिन्न।

	बैकुण्ठ मानन्धरको स्वास्थ्य अवस्था बारे सुभद्रा मानन्धरलाई चिन्ता लागि रहन्छ

उनले नेपालको तर्फबाट चार पटक ओलम्पिकमा भाग लिएका छन् र पटक पटक दक्षिण एशियाली खेलकुदमा दौडेर देशलाई स्वर्ण पदकहरु दिलाएका छन्।

तर उनको स्वास्थ्य पहिले जस्तो नरहेकोमा उनकी श्रीमती सुभद्रा मानन्धरलाई आजभोली अलि चिन्ता लाग्छ।

एउटा खेलाडीको श्रीमती भएर जीवन निर्वाह गर्न कत्तिको गाह्रो हुन्छ ?

 

 

बिना गुरुङ

नयां राष्ट्रिय गीतका संगीतकार अम्बर गुरुङले आफ्ना अनेक कालजयी गीत संगीतबाट नेपाली सांगीतिक आकाशलाई भरेका छन्।

	कलाकारसित प्रेम बिवाह गरेर बिना गुरुङले समाजबाट धेरै कुरा सुन्नु परेको छ

५३ बर्ष जति अघि दार्जिलिङमा १३,१४ बर्षको कलिलो उमेरमैं माया बसेर अम्बर गुरुङसंग बिवाह बन्धनमा बांधिए पछि केही मानिसले बिना गुरुङलाई भन्ने गर्थे – गाइनेसित बिहे गरेर अब जीवनभरी दुख पाउने भयौ।

पांच दशक भन्दा बढी समय संगै बिताउंदा श्रीमती बिना गुरुङले के पाइन् र के गुमाइन्?

पहिले मानिसहरुले गाइने भनेर होच्याउन खोज्ने तिनै अम्बर गुरुङको अनुहार हेर्दा आज उनलाई कस्तो लाग्छ?

 

 

ओममाया पुन

म्यागासेसे पुरस्कार बिजेता समाजसेवी महावीर पुन नेपालका दुर्गम गाउंहरुमा वायरलेस नेटवर्क र टेलीमेडिसन सेवा पु-याउन ब्यस्त छन्।

	ओममाया पुनले पोखरामा बसेर महावीर पुनलाई सघाइ रहेकी छिन्

उनकी श्रीमती ओममाया पुन पोखरामा दुई वटी छोरीको हेरचाहमा ब्यस्त छिन्।

श्रीमतीको सहयोग बिना महिनौं दुर्गम पहाडी जिल्लाहरुमा दौडधूप गर्न महावीर पुनलाई संभव हुन्थ्यो?

अनि अन्य कुन हिसाबले ओममाया पुनले महावीर पुनलाई सघाइ रहेकी छिन्?

आफ्नो सफलतामा श्रीमतीको भूमिकालाई महावीर पुन कसरी मूल्यांकन गर्छन्?

 

 

महाकाली घिमिरे

६१ बर्ष अघि लम्जुङको एउटा बिद्यालयका शिक्षक, कवि माधव घिमिरेको दोस्रो श्रीमतीको रुपमा महाकाली घिमिरेको बैवाहीक जीवन आरम्भ हुन्छ।

	माधव घिमिरेका सृजनाहरुमा महाकाली घिमिरे नजानिंदो किसिमले समाहित भएकी छिन्

बिवाह हुंदा उनको उमेर १३ बर्ष थियो।

राष्ट्रकवि माधव घिमिरे आफ्ना साहित्यीक सृजना र जीवनको सफलतामा आफ्नी श्रीमतीको योगदानलाई कसरी मूल्याङकन गर्छन्?

अनि यतिका बर्ष कविलाई साथ दिने महाकाली घिमिरेलाई ती दिनहरु संझदा कस्तो लाग्छ?

 

साभार: बीबीसी नेपाली

shyam | छिमेकीबाट | 08 17th, 2010 | No Comments »

नयाँ प्रत्रिकामा छापिएका “श्रीमतीलाई खुसी तुल्याउने आधादर्जन उपाय” शिर्षकको लेख मेरो ब्लगपोष्टको ‘पश्तापको भुमरी’ लेखको पात्र ‘परी’को जिन्दगीसीत मेलखाए जस्तो लाग्यो। कहिले काही यस्तो संयोग हुने रहेछ, एकै दिनमा त्यो लेखको प्रेशित हुनु अर्को रोचक पक्ष हुन्। सायद परीको बारेमा थाहा पाउनेहरुले कसैगरि यो लेख हेर्यो र पढ्यो भने परीकै जिन्दगीमा केहि परिबर्तन ल्याउनाम केहि भए पनि मद्दत गर्न कसैले सघाई देलाकी भनी आशामा आज यो लेख प्रेशित गरेको छु।

कुनै पनि पुरुषको जीवनमा महिला हुनु उसको प्रसन्नताको सबैभन्दा ठूलो सूचक मानिन्छ । तर, आफ्नो जीवनमा गाँसिएकी ती महिलाको अनुहारमा प्रसन्नतायुक्त मुस्कान कायम राखिराख्न सजिलो भने हुँदैन । वास्तवमा धेरै पुरुष महिलाको प्रसन्नता केमा हुन्छ भन्ने थाहा नपाईकनै सारा जीवन बर्बाद गरिरहेका हुन्छन् । एक-अर्काका कुरा नबुझेर हुने घरझगडा, निरन्तरको झैझमेलाले दाम्पत्य जीवनलाई नरक तुल्याइरहेको हुन्छ । हाम्रोजस्तो पुरुषप्रधान समाजमा त महिलाका इच्छा, आकांक्षा, तिनका स्वाद र रुचि, तिनको आराम र आनन्दलाई किञ्चित् महत्त्व दिइएको हुन्न । यसै परिप्रेक्ष्यमा पत्नीलाई खुसी तुल्याउने केही उपाय यहाँ प्रस्तुत छन्:

राम्रो व्यवहार गर
केही महिला आफ्ना पतिका दुव्र्यवहारको सिकार बनेका हुन्छन् । केटी पाउनका लागि तिमी जेजस्तो नखरा पार्छौ, जेजति वाचाबन्धन र प्रयास गर्छौ, केटी पाइसकेपछि ती सबै कता-कता हराउँछन् । वास्तवमा ती वाचाबन्धन उनले सम्झि राखेकै हुन्छिन् । ती सामान्य करा हुन् । तर, सम्बन्धलाई बलियो र विकसित बनाउन तिनको ठूलो महत्त्व हुन्छ । उपयुक्त बेला पारी उनको हात समातेर उनकै लागि हुँ भन्ने भावले उनीसँग हिँड्नाले पनि प्रसन्नता र प्रेमलाई बढाउँछ । श्रीमतीलाई खुसी राख्नु छ भने उनलाई के-के निको लाग्छ, उनी के-के रुचाउँछिन् भन्ने कुरा ख्याल राख ।

उनका कुरा ध्यानपूर्वक सुन
आफ्नी जीवनसाथीले दिन कसरी बिताउँछिन्, तिनका साथीहरू के-के गर्छन्, यो चराचर जगत् यस्तो छ, उस्तो छ, धेरैजसो पुरुष यस्ता खैराँते र महिलाले नरुचाउने कुरा गरेर वाक्कै पार्छन् । त्यसभन्दा पनि पर उनले रुचाउने कुरा पनि छन् भन्ने कुरामा पुरुषहरू ध्यानै दिन्नन् । धेरै पुरुषले महिलाले कुरा थाल्नेबित्तिकै उनको बोली बन्द गरिदिन्छन् वा उनले कुरा गर्दागर्दै आफ्नै स्वर ठूलो पारेर कुरा अघि बढ्न नदिने गल्ती पनि गर्छन् । तिमी साँच्चै आफ्नी प्रेयसीलाई प्रसन्न देख्न चाहन्छौ भने उनी साँच्चै के भनिरहेकी छिन्, राम्ररी सुन । यसले तिमीलाई उनको धेरै नजिक ल्याउनेछ ।

उनलाई तिम्रो आफ्नो दुनियाँमा छिर्न देऊ
वास्तवमा धेरै पुरुष आफ्नी श्रीमतीसँग धेरै कुरा लुकाउँछन् । त्यसैले धेरै महिला आफ्ना श्रीमान् कहाँ के गर्छन्, उनी किन भावुक भएका छन्, केले उनलाई क्रुद्ध तुल्याइरहेको छ, उनी के सोच्दै छन् भन्ने कुरा थाहै नदिने गरेको गुनासो गर्छन् । पुरुषहरू सामान्यतया महिलाजति खुल्दैनन् भन्ने कुरा सही हो, तर यसैले तिम्रो र तिम्री पत्नीको सुसम्बन्धमा भाँजो हाल्न सक्छ । तिमीले उनलाई विश्वासमा लिन सकेमा उनले तिमीलाई मद्दत गर्ने कुरा त छँदै छ सँगसँगै तिमीले आफ्नो सम्पूर्ण वास्तविकता बताउने हुनाले तिम्रो वास्तविक स्वरूप चिन्न पाएर उनी प्रसन्न हुनेछिन् ।

उनीप्रति प्रेम दर्साऊ
निश्चय नै सहवास प्रेमको एक पाटो हो, तर त्यही नै सबथोक र अन्तिम भने होइन । प्रेम दर्साउने कुरा भिन्न समयमा भिन्न प्रकारले गर्न सकिन्छ । जस्तै डिनरका बेला कहिलेकाहीँ उनको कपाल मुसार्नु, भोजका बेला पुलुक्क हेर्नु, दिनभर यात्रा गरेर थाकेपछि उनको काँधमा अलिअलि मालिस गर्नु पनि प्रेम दर्साउने कला हुन् । याद गर, बिस्तरामा मात्रै प्रेम देखाउनाले सम्बन्ध खुम्चिन्छ । बिस्तराबाहिर पनि प्रेमका लागि धेरै ठाउँ छन् ।

उनलाई बेलाबेला चकित तुल्याऊ
असल आश्चर्यले सबैलाई चकित तुल्याउँछ । अझ खासगरी यसरी आश्चर्यचकित पार्नलाई अलिकति बुद्धि लगाइयो भने त्यसबेला झन् आनन्द आउँछ । त्यस्ता अनन्त अवसरहरू हुन सक्छन् । उनलाई उपहारस्वरूप अनौठो र नसोचेको सुन्दर वस्तु देऊ, कुनै रोमान्टिक होटलमा लैजाऊ, उनी काम गर्ने ठाउँमा गएर सोखिन व्यक्तिहरू चढ्ने खालको गाडीमा घर वा होटलतिर लैजाऊ, उनी छक्क पर्नेछिन् ।

उनलाई सहयोग गर
धेरैजसो जब महिलालाई समस्या परेको हुन्छ, उनी चिन्तित हुन्छिन् । त्यतिबेला पुरुषले उनको जीवनमा समस्याको समाधान लिएर आउने प्रयास गर्नुपर्छ । पुरुषका लागि उनको खास समस्यामा आँखा गाड्नु तर्कपूर्ण कुरा हो । यति नै बेला त महिला ऊप्रति आकषिर्त हुन्छे ! तर, जतिबेला उनी आफ्नी नखरमाउली रिसेप्सनिस्टबारे गुनासो गरिरहेकी हुन्छिन्, त्यतिबेला तिमीले सबै कुराको समाधान मैसित छ भनेर जान्ने हुनुपर्दैन । उनका कुरा सुनिदिए मात्र पुग्छ किनभने, त्यतिबेला तिम्रो सहानुभूति र सहयोग मात्र उनलाई चाहिएको हुन्छ ।

shyam | छिमेकीबाट | 08 31st, 2009 | 4 Comments »